የማመልከቻ ሂደት እና ተሳትፎ

በኢትዮጵያ የካፒታል ገበያ ቁጥጥር ሳንድቦክስ ውስጥ የመሳተፍ ሂደት የኩባንያዎችን አዳዲስ ምርቶችን ወይም አገልግሎቶችን የመሞከር ብቁነት እና ዝግጁነት ለመገምገም በተዘጋጀ ግልጽ እና የተዋቀረ የማመልከቻ ሂደት ይጀምራል። የማመልከቻው ሂደት አጠቃላይ እይታ እንደሚከተለው ነው፡-

የመጀመሪያ ጥያቄ እና ቅድመ-ማመልከቻ ተሳትፎ

ፍላጎት ያላቸው ወገኖች ስለ ሀሳቦቻቸው ለመወያየት እና የሳንድቦክሱን ወሰን እና መስፈርቶች ለመረዳት በመጀመሪያ ለዚሁ ዓላማ በተዘጋጁ የግንኙነት ቻናሎቻችን በኩል እንዲያገኙን እናበረታታለን። ይህ የመጀመሪያ መስተጋብር ማንኛቸውም ጥያቄዎችን ለማብራራት ይረዳል፣ እናም ማመልከቻዎች በደንብ የተረዱ እና ከቁጥጥር ደንቦች ጋር የተጣጣሙ መሆናቸውን ያረጋግጣል።

ማመልከቻ ማስገባት

አመልካቾች በድረ-ገጻችን ላይ ያለውን ዝርዝር የማመልከቻ ቅጽ መሙላት አለባቸው። ቅጹ ፈጠራው ወይም አገልግሎቱ የብቁነት መስፈርቱን እንዴት እንደሚያሟላ የሚያስረዱ ዝርዝሮችን ጨምሮ ስለ ድርጅቱ፣ ስለ ፈጠራው እና ስለታሰበው ሙከራ አጠቃላይ መረጃን ይጠይቃል። አመልካቾች ሙከራውን ለማካሄድ ዝግጁነታቸውን እና አቅማቸውን የሚያሳዩ እንደ ቴክኒካል መግለጫዎች፣ የንግድ እቅዶች እና የአደጋ ስጋት አስተዳደር ስትራቴጂዎች ያሉ ሰነዶችን ማቅረብ አለባቸው። ወደ “እንዴት ማመልከት ይቻላል” ገጽ አገናኝ።

የግምገማ ሂደት

ማመልከቻዎች አንዴ ከገቡ በኋላ ሙሉነታቸውን እና የሳንድቦክሱን ወሰን ማክበራቸውን ለማረጋገጥ በመጀመሪያ ማጣሪያ ውስጥ ያልፋሉ። ቀጥሎም በኢትዮጵያ ካፒታል ገበያ ባለስልጣን ሳንድቦክስ መሪዎች የበለጠ ዝርዝር ግምገማ ይደረግባቸዋል። ፈጠራው ሊኖረው ስለሚችለው ተጽእኖ፣ ለሙከራ ስላለው ዝግጁነት እና ከቁጥጥር ማዕቀፎች ጋር ስላለው መጣጣም ማመልከቻዎቹን በብቃት መስፈርቶች መሰረት ይገመግማሉ።

ውሳኔ እና ግብረመልስ

የተሳካላቸው አመልካቾች የሙከራ እቅድ ማዘጋጀትን ጨምሮ በሚቀጥሉት እርምጃዎች ላይ ዝርዝር ግብረመልስ እና መመሪያ ያገኛሉ። ያልተሳካላቸው አመልካቾችም ግብረመልስ ይቀበላሉ፣ ይህም ሃሳቦቻቸውን ለማሻሻል እና ለወደፊት ዑደቶች እንደገና ለማመልከት ሊጠቅም ይችላል።

የሙከራ እቅድ ማዘጋጀት

ለተሳካላቸው አመልካቾች፣ ከተቆጣጣሪዎች ጋር በመተባበር ዝርዝር የሙከራ እቅድ ይዘጋጃል። ይህ እቅድ የሙከራ አላማዎችን፣ ዘዴዎችን፣ የጊዜ ሰሌዳዎችን እና የተገዥነት መስፈርቶችን ይዘረዝራል። ሁሉም ወገኖች የሙከራውን ወሰን እና በቦታው ስላሉት የቁጥጥር ጥበቃዎች ግልጽ ግንዛቤ እንዳላቸውም ያረጋግጣል።

የሙከራ ወቅት

በሙከራ ዕቅዱ ዙርያ ስምምነት ላይ ከተደረሰ በኋላ ድርጅቶች የሙከራ ወቅቱን ሊጀምሩ ይችላሉ ፣ በዚህ ጊዜ ከሳንድቦክስ ኃላፊዎች ጋር የተስማሙባቸው መለኪያዎች መከበራቸውን ለማረጋገጥ እና በማናቸውም አዳዲስ ጉዳዮች ወይም ግኝቶች ላይ ለመወያየት መደበኛ ግንኙነቶችን ያደርጋሉ።

ግምገማ እና መውጣት

በሙከራ ወቅቱ መጨረሻ ላይ ድርጅቶች ውጤቶችን፣ ትምህርቶችን እና ማንኛውንም የታቀዱ ቀጣይ እርምጃዎችን የሚገልጽ የመጨረሻ ሪፖርት ማቅረብ ይጠበቅባቸዋል። የሳንድቦክስ ኮሚቴው ይህንን ሪፖርት የሚገመግመው ተገቢውን የመውጫ ስትራቴጂ ለመወሰን ነው፣ ይህም ፈጠራውን ወይም አገልግሎቱን ወደ ሰፊው ገበያ ማሸጋገር፣ የሙከራ ደረጃን ማራዘም ወይም አስፈላጊ ከሆነ የተሞከረውን እንቅስቃሴ ማቆምን ሊያካትት ይችላል።

የማመልከቻ ሂደት እና ተሳትፎ