በቁጥጥር ሳንድቦክሱ ውስጥ ያሉ ተሳታፊዎች

የኢትዮጵያ ካፒታል ገበያ ቁጥጥር ሳንድቦክስ የተቀረፀው ከጀማሪ እስከ አንጋፋ ተቋማት ድረስ ያሉ በርካታ ተሳታፊዎችን ለመደገፍ ነው። ግባችን የካፒታል ገበያ ምርቶች፣ አገልግሎቶች እና ቴክኖሎጂዎች በአስተማማኝ ሁኔታ የሚፈተሹበት፣ የሚስተካከሉበት እና በተቆጣጣሪ አካላት ክትትል ስር ወደ ሰፊ ገበያዎች የሚሸጋገሩበት ደማቅ ስነ-ምህዳር መገንባት ነው።

ማን ሊሳተፍ ይችላል?

ሳንድቦክሱ በኢትዮጵያ የፋይናንሺያል/የፋይናንስ አገልግሎት ዘርፍ ፈጠራን ለመፍጠር ለሚፈልጉ ለተለያዩ ድርጅቶች ክፍት ነው። ይህ የሚያካትተው:-

ፈቃድ ያላቸው ድርጅቶች

እነዚህ ቀደም ሲል ከኢትዮጵያ ካፒታል ገበያዎች ባለሥልጣን (ECMA) የካፒታል ገበያ አገልግሎት አቅራቢዎች ፈቃድ የያዙ ተቋማት ናቸው። የኢንቨስትመንት ባንኮችን፣ የኢንቨስትመንት አማካሪዎችን፣ ልውውጦችን/የሰነደ ሙአለ ንዋይ ገበያዎችን እና ደላሎችን ያካትታሉ። ፈቃድ ያላቸው ድርጅቶች አሁን ካሏቸው ምርቶች የሚለያዩ ነገር ግን አሁንም በECMA ቁጥጥር ስር የሚወድቁ አዳዲስ ምርቶችን ወይም አገልግሎቶችን ለመፈተሽ ሳንድቦክሱን መጠቀም ይችላሉ።

ፈቃድ ሊሰጠው የሚችል ተግባር ያላቸው ነገር ግን ፈቃድ የሌላቸው ድርጅቶች

ይህ ምድብ ቁጥጥር በሚደረግበት የካፒታል ገበያ ውስጥ ፈጠራዎችን ለመፈተሽ/ለመሞከር የሚፈልጉ ነገር ግን በአሁኑ ጊዜ አስፈላጊው ፈቃድ የሌላቸው ድርጅቶችን ያካትታል። ሳንድቦክሱ ለድርጅቶቹ የፈቃድ አሰጣጥ ሂደቱን በሚሄዱበት ጊዜ የፈጠራ የካፒታል ገበያ ምርቶቻቸውን ወይም አገልግሎቶቻቸውን የሚፈትሹበትን አካባቢ ይሰጣል፣ ይህም ወደ ቁጥጥር ሥራዎች የሚያደርጉትን ሽግግር ቀለል ያደርጋል።

በአሁኑ ጊዜ ቁጥጥር ያልተደረገባቸው ነገር ግን ወደፊት ቁጥጥር ሊደረግባቸው የሚችሉ እንቅስቃሴዎች።

በአሁኑ ጊዜ ቁጥጥር ያልተደረገባቸው ነገር ግን ወደፊት ሊደረግባቸው የሚችሉ በ ECMA የቁጥጥር ስልጣን ስር የሚወድቁ የካፒታል ገበያ አገልግሎቶችን ወይም ቴክኖሎጂዎችን የሚያቀርቡ ድርጅቶች በዚህ ምድብ ውስጥ ይወድቃሉ። ሳንድቦክሱ እነዚህ ኩባንያዎች የመፍትሄዎቻቸውን/የፈጠራቸውን ውጤታማነት እና ተገዥነታቸውን በቀጥታ አካባቢው ላይ እንዲያሳዩ ያስችላቸዋል፣ ይህም ተቆጣጣሪዎች ለእንደዚህ አይነት ፈጠራዎች የሚያስፈልጉ አንድምታዎችን እና እምቅ የቁጥጥር ማዕቀፎችን እንዲረዱ ያግዛል።

ቁጥጥር የሚደረግበት እንቅስቃሴን የሚደግፉ

እነዚህ ተሳታፊዎች እንደ የአደጋ ስጋት አስተዳደር ስርዓቶች፣ ተገዥነት መሣሪያዎች ወይም የሪፖርት ቴክኖሎጂዎች ያሉ ቁጥጥር የሚደረግባቸው ተግባራትን የሚደግፉ የቴክኖሎጂ መፍትሄዎችን የሚያቀርቡ ኩባንያዎችን ያካትታሉ። እነዚህ ኩባንያዎች ራሳቸው ፈቃድ ላያስፈልጋቸው ቢችልም ምርቶቻቸው እና አገልግሎቶቻቸው ፍቃድ የተሰጣቸውን አካላት የስራ ቅልጥፍና እና የቁጥጥር ተገዥነት በቀጥታ ያጎላሉ/ያግዛሉ።

ተቆጣጣሪዎችን የሚደግፉ የቁጥጥር ቴክኖሎጂዎች (SupTech)

የካፒታል ገበያ ተቆጣጣሪን የቁጥጥር አቅም ለማሻሻል የታቀዱ ቴክኖሎጂዎችን የሚያዳብሩ ድርጅቶች ለካፒታል ገበያ እድገት ወሳኝ ናቸው። እነዚህ የSupTech መፍትሄዎች የመረጃ መመርመሪያ መሳሪያዎችን፣ የክትትል ስርዓቶችን ወይም ECMA የቁጥጥር ተግባራቶቹን እንዲያሳድግ የሚረዱ ቴክኖሎጂዎችን ሊያካትቱ ይችላሉ። እንደነዚህ ያሉ ፈጠራዎች ተግባራቸውን እና አሁን ካለው የቁጥጥር ሂደቶች ጋር ያላቸውን ጥምረት ለማሻሻል በሳንድቦክሱ ውስጥ መፈተሽ ይችላሉ።

በቁጥጥር ሳንድቦክሱ ውስጥ ያሉ ተሳታፊዎች